Bügün yani 7 – Ayning 9 – Küni yéqinliri xitaygha qayturiwétilgen bir guruppa uyghur qollirida türk bayriqi we sherqiy türkistan bayriqini kötürgen halda, xitayning enqere elchiliki aldida namayish ötküzdi. Namayishta hemme birdek «türkiye uxlima, qérindashliringgha ige chiq, sherqiy türkistanliqlargha erkinlik, xitay sherqiy türkistandin yoqal» dégendek shuarlarni towlashti.
Arqidin dunya uyghur qurultiyi muawin reisi séyit tümtürk ependi muxbirlargha bayanat berdi. U, bayanatida tayland dairilirining xitayning bésimigha chidiyalmay chetelge qéchishqa mejbur qalghan bigunah uyghurlarni xitaygha qayturup bergenlikini qattiq eyibleydighanliqini, türkiye hökümitining we démokratiye bilen bashquruluwatqan döletlerning taylandqa bésim ishlitish arqiliq, qalghan uyghurlarning xitaygha qayturulushini tosushqa chaqirdi. U, bayanatida, türk hökümitini uyghurlargha yardem qilishqa, sherqiy türkistan dewasini qollashqa chaqirdi.
Bayanat axirilashqandin kéyin 200 etrapida uyghur xitay elchixanisigha bésip kirish üchün hujum qildi. Türk saqchilar ulargha közige yash éqitidighan bomba atti. Yoldishi, uruq – Tughqanliri xitaygha qayturup bérilgen uyghurlar xitay elchixanisigha bésip kirishke tirishqan bolsimu, saqchilar ruxset qilmidi. Axirida namayishqa qatnashqan uyghurlar namayishni dua qilip axirilashturdi.
جاۋاب يېزىش