uyghur bilgiye

Bélgiye we gérmaniyede 5-Iyul qirghinchiliqining 6 yilliqi munasiwiti bilen namayish élip bérildi

5-Iyul küni bélgiye uyghur jemiyitining teshkillishi bilen paytext biryussélda, türk teshkilatlirining orunlashturushi bilen gérmaniyede xitaygha qarshi keng kölemlik namayish paaliyetliri élip bérildi.

 

Bélgiye uyghur jemiyiti reisi abdullam ependining 5-Iyul küni biryusséldin bergen melumatigha asaslanghanda, jemiyet ezaliri we bélgiyede yashawatqan köp sandiki uyghurlar saet 14:00 tin bashlap paytext biryussélning merkizide xitaygha qarshi naraziliq namayishi élip barghan. Bu namayishqa 2 mingdin artuq türk we kishilik hoquq teshkilatliri wekillirimu uyghurlarni qollash, xitaygha bolghan naraziliqini ipadilesh niyitide qatnashqan. Namayishchilar ay-Yultuzluq kökbayraqlar, türk bayraqliri we türlük pilakatlarni kötürüshüp, xitayning bundin 6 yil ilgiri ürümchide élip barghan qetliamigha bolghan ghezeplirini ipadiligen.

 

Bu xususta toxtalghan jemiyet reisi abdullam ependi, her yili mushu künde bélgiyediki uyghurlarning 5-Iyul weqesini xatirilesh paaliyetliri ötküzüp kéliwatqanliqini, taki musteqil sherqiy türkistan jumhuriyiti dunyagha kelgenge qeder bu küreshning toxtap qalmaydighanliqini tilgha aldi. Bu namayishqa qatnashqan türk teshkilat rehberliridin biri inkas bildürüp, sherqiy türkistan uyghurlirining hergizmu yalghuz emeslikini, pütün dunya türklirining bundin kéyin uyghurlargha sepdash bolup, hör, musteqil bir uyghur döliti dunyagha kelgenge qeder bille küresh qilidighanliqini bildürdi. Saadet partiyisining bélgiyede turushluq bir wekilimu ziyaritimizni qobul qilip, shahadet éytqan pütün dunya musulmanlirining bundin kéyin uyghurlargha ige chiqidighanliqini, islam dunyasining xitayning wehshiylikliridin qattiq ghezepke tolghanliqini, inshaalla, pat pursette sherqiy türkistangha musteqilliq nésip bolidighanliqini éytti.

 

5-Iyul küni yene gérmaniyening nürinbérg shehiridimu türk teshkilatlirining orunlashturushi bilen 5-Iyul weqesining 6 yilliqini xatirilesh, xitayning qattiq basturush, qirghin qilish, diniy cheklime siyasetlirige naraziliq bildürüsh yüzisidin namayishi élip bérildi. D u q ning bergen melumatigha qarighanda, bu namayishni nürnbérg shehiridiki onlighan türk teshkilatliri birliship ötküzgen bolup, bir bölük uyghurlar alayiten myunxén shehiridin bérip bu namayishqa qatnashqan. D u q muawin reisi ümid agahi ependi namayish meydanidin bizge melumat bérip, namayishchilar sanining 2 ming kishidin éship ketkenlikini tilgha aldi. Qurultay diniy ishlar komitéti mudiri turghunjan alawudun hajim nürünbérg shehiridiki namayish heqqide toxtalghanda, aldi bilen türk xelqining hésdashliqigha apirin éytti.

 

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

تۆۋەندىكى HTML تەگلىرى ۋە خاسلىقلىرىنى ئىشلىتەلەيسىز: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>